วิปากธมฺมธมฺมํ อกุสลํ ธมฺมํ ปฏิจฺจ นวิปากธมฺมธมฺโม นอกุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

เนววิปากนวิปากธมฺมธมฺมํ อพฺยากตํ ธมฺมํ ปจฺจยา นเนววิปากนวิปากธมฺมธมฺโม นอพฺยากโต ธมฺโม อุปฺปชฺชติ เหตุปจฺจยา… เหตุยา ตีณิฯ

4-1. อุปาทินฺนตฺติก-กุสลตฺติกํ

[40] อนุปาทินฺนุปาทานิยํ กุสลํ ธมฺมํ ปฏิจฺจ นอุปาทินฺนุปาทานิโย นกุสโล ธมฺโม อุปฺปชฺชติ เหตุปจฺจยา… ตีณิฯ

อนุปาทินฺนอนุปาทานิยํ กุสลํ ธมฺมํ ปฏิจฺจ นอนุปาทินฺนอนุปาทานิโย นกุสโล ธมฺโม อุปฺปชฺชติ เหตุปจฺจยา… ตีณิ เหตุยา ฉฯ

อนุปาทินฺนุปาทานิยํ อกุสลํ ธมฺมํ ปฏิจฺจ นอุปาทินฺนุปาทานิโย นอกุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

อุปาทินฺนุปาทานิยํ อพฺยากตํ ธมฺมํ ปจฺจยา นอุปาทินฺนุปาทานิโย นอพฺยากโต ธมฺโม อุปฺปชฺชติ เหตุปจฺจยา… เหตุยา ปญฺจฯ

5-1. สํกิลิฏฺฐตฺติก-กุสลตฺติกํ

[41] อสํกิลิฏฺฐสํกิเลสิกํ กุสลํ ธมฺมํ ปฏิจฺจ นสํกิลิฏฺฐสํกิเลสิโก นกุสโล ธมฺโม อุปฺปชฺชติ เหตุปจฺจยา… ตีณิฯ

อสํกิลิฏฺฐอสํกิเลสิกํ กุสลํ ธมฺมํ ปฏิจฺจ นอสํกิลิฏฺฐอสํกิเลสิโก นกุสโล ธมฺโม อุปฺปชฺชติ เหตุปจฺจยา… ตีณิ… เหตุยา ฉฯ

สํกิลิฏฺฐสํกิเลสิกํ อกุสลํ ธมฺมํ ปฏิจฺจ นสํกิลิฏฺฐสํกิเลสิโก นอกุสโล ธมฺโม อุปฺปชฺชติ เหตุปจฺจยา… ตีณิฯ

อสํกิลิฏฺฐสํกิเลสิกํ อพฺยากตํ ธมฺมํ ปจฺจยา นอสํกิลิฏฺฐสํกิเลสิโก นอพฺยากโต ธมฺโม อุปฺปชฺชติ เหตุปจฺจยา… (สํขิตฺตํฯ) เหตุยา ฉ…เป.… อวิคเต ฉฯ

6-1. วิตกฺกตฺติก-กุสลตฺติกํ

[42] สวิตกฺกสวิจารํ กุสลํ ธมฺมํ ปฏิจฺจ นสวิตกฺกสวิจาโร นกุสโล ธมฺโม อุปฺปชฺชติ เหตุปจฺจยา… ตีณิฯ

อวิตกฺกวิจารมตฺตํ กุสลํ ธมฺมํ ปฏิจฺจ นอวิตกฺกวิจารมตฺโต นกุสโล ธมฺโม อุปฺปชฺชติ เหตุปจฺจยา… เหตุยา ปนฺนรสฯ

สวิตกฺกสวิจารํ อกุสลํ ธมฺมํ ปฏิจฺจ นสวิตกฺกสวิจาโร นอกุสโล ธมฺโม อุปฺปชฺชติ เหตุปจฺจยา… เหตุยา นวฯ

7-1. ปีติตฺติก-กุสลตฺติกํ

[43] ปีติสหคตํ กุสลํ ธมฺมํ ปฏิจฺจ นปีติสหคโต นกุสโล ธมฺโม อุปฺปชฺชติ เหตุปจฺจยา… สตฺตฯ

สุขสหคตํ กุสลํ ธมฺมํ ปฏิจฺจ นสุขสหคโต นกุสโล ธมฺโม อุปฺปชฺชติ เหตุปจฺจยา… สตฺตฯ

อุเปกฺขาสหคตํ กุสลํ ธมฺมํ ปฏิจฺจ นอุเปกฺขาสหคโต นกุสโล ธมฺโม อุปฺปชฺชติ เหตุปจฺจยา… สตฺต ฯ (เวทนาตฺติกสทิสํฯ สํขิตฺตํฯ)

22-1. สนิทสฺสนตฺติก-กุสลตฺติกํ

[44] อนิทสฺสนอปฺปฏิฆํ กุสลํ ธมฺมํ ปฏิจฺจ นอนิทสฺสนอปฺปฏิโฆ นกุสโล ธมฺโม อุปฺปชฺชติ เหตุปจฺจยาฯ อนิทสฺสนอปฺปฏิฆํ กุสลํ ธมฺมํ ปฏิจฺจ นสนิทสฺสนสปฺปฏิโฆ นกุสโล ธมฺโม อุปฺปชฺชติ เหตุปจฺจยา…เป.… อนิทสฺสนอปฺปฏิฆํ กุสลํ ธมฺมํ ปฏิจฺจ นสนิทสฺสนสปฺปฏิโฆ นกุสโล จ นอนิทสฺสนสปฺปฏิโฆ นกุสโล จ ธมฺมา อุปฺปชฺชนฺติ เหตุปจฺจยา… เหตุยา ฉฯ

อนิทสฺสนอปฺปฏิฆํ อกุสลํ ธมฺมํ ปฏิจฺจ นอนิทสฺสนอปฺปฏิโฆ นอกุสโล ธมฺโม อุปฺปชฺชติ เหตุปจฺจยาฯ อนิทสฺสนอปฺปฏิฆํ อกุสลํ ธมฺมํ ปฏิจฺจ นสนิทสฺสนสปฺปฏิโฆ นกุสโล ธมฺโม อุปฺปชฺชติ เหตุปจฺจยา…เป.… อนิทสฺสนอปฺปฏิฆํ อกุสลํ ธมฺมํ ปฏิจฺจ นสนิทสฺสนสปฺปฏิโฆ นกุสโล จ นอนิทสฺสนสปฺปฏิโฆ นอกุสโล จ ธมฺมา อุปฺปชฺชนฺติ เหตุปจฺจยา (สํขิตฺตํฯ) เหตุยา ฉ…เป.… อวิคเต ฉฯ

อนิทสฺสนอปฺปฏิฆํ อพฺยากตํ ธมฺมํ ปจฺจยา นสนิทสฺสนสปฺปฏิโฆ นอพฺยากโต ธมฺโม อุปฺปชฺชติ เหตุปจฺจยาฯ